12 ақпан 2024 жылы Педагогика және психология білім беру бағдарламасында аға оқытушы, магистр Ж.С.Исмагулованың ұйымдастыруымен жыныстық аурулардың алдын алу мақсатында «Денсаулығым байлығым, болашағым» атты дәрігер мамандармен кездесу өтті. Кездесуде 3 курс ПиП-31, ПиП-31-1, СП-31, СП-31-1, 2 курс ПиП-21 топтары БҚО АИТВ облыстық орталығының педагогы Умбетова Гульнара Каримовна және "Демеу" жастар денсаулық орталығы №4 қалалық емхана психологі Н.Д. Жумалиева, дәрігер-гинекологпен К.М.Бараковамен жүздесті.
Кездесу ЖИТС мен АИТВ-ның, ерте жүктіліктің алдын алу мәселелері, денсаулық, тазалық және басқа да мәселелер сұрақ-жауап түрінде кездесу барысында талқыланды.
Жастарға «Демеу» жастар денсаулық орталығының жұмысы туралы ақпаратты жеткізу маңызды болды. Онда олар қызметтерді уақтылы және тегін ала алатындығын білді: психологтың, гинекологтың, нарколог –дәрігердің кеңесі және АИТВ-ға тест тапсыру, қызметтердің барлық түрлері міндетті әлеуметтік сақтандыру шеңберінде ұсынылатындығы түсіндірілді.
