М.Өтемісов атындағы Батыс Қазақстан университеті мен М.Оспанов атындағы Батыс Қазақстан медицина университеті арасында білім беру, академиялық ұтқырлық және ғылыми ынтымақтастық аясында жасалған Меморандумға (21.12.2021ж.) сәйкес 15.03 - 17.03.2022ж. аралығында М.Оспанов атындағы Батыс Қазақстан медицина университеті психология кафедрасының аға оқытушысы Г.С.Жұмалиева мен ғылыми-аналитикалық бөлімінің кіші ғылыми қызметкері Ә.М.Макашева ғылыми жоба аясында Махамбет университетінде ғылыми іс сапарда болды.
“Білім алушылардың Батыс Қазақстанның ЖОО-да кәсіптік даярлау жағдайындағы әлеуметтік жауапкершіліктері” тақырыбындағы ғылыми жоба (гранттық қаржыландыру ҚР БжҒМ, 29.01.2021ж. 2 хаттама) М.Оспанов атындағы Батыс Қазақстан медицина университеті психология кафедрасында жүзеге асырылуда. Ғылыми жоба жетекшісі М.М.Книсарина, PhD доктор, доцент.
М.Өтемісов атындағы Батыс Қазақстан университетіне ғылыми іс сапарға келу мақсаты:
- 1-2 курс студенттерінің әлеуметтік жауапкершілігін диагностикалау ( Google Forms қосымшасы арқылы онлайн формат). Сауалнама ерікті жүргізіледі және құпиялылық сақталады.
- Профессорлық-оқытушылар құрамы арасында академиялық ұтқырлықты жүзеге асыру.
- Бірлескен семинар, вебинарлар т.б. өткізуді талқылау және екі ЖОО-ның білім алушыларына арналған “Денсаулық психологиясы” атты ашық дәріс ұйымдастыру.