20.03.2024ж күні ДО-11, Дов-21, Пимно-31 топ студенттеріне топ кураторлары Ерниязова С.Н. Тлепбергенова Г.Е. Муканова А.Д - наурыз мерекесінің қазақ даласындағы орны, наурыз мерекесі туралы түсінік беру, наурыз мерекесін ұлттық салт - дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру мақсатында «Қош келдің - әз Наурыз» атты сайыс ұйымдастырылды. Сайыс барысында әр топ қазақ халқының салт - дәстүрін көрсетіп, сахналық көрініс қойып, қазағымыздың ою-өрнектерін атауын және тарихын атап, «Қорапша ойыны» арқылы салт-дәстүрге байланысты сұрақтарға жауап беріп, содан кейін әр топ өз өнерлерін ортаға салды. Әділқазылар студенттердің керемет дайындықпен келгендігін, жалпы қазағымыздың салт-дәстүрін, әдет-ғұрпын жетік білетіндігіне риза болып, студенттеріміздің барлығы өнерлі екендігін атап өтті. Студенттерге сайыс өте қызықты өтті, әрі керекті мәліметтер алды. Кеш соңында Пимно-21 топ студенті Сырымбетова Арайлым «Наурыз» әнін орындады.
