АДАЛДЫҚТЫ ДӘРІПТЕГЕН АДАЛДЫҚ САҒАТЫ
15 қазан күні М.Өтемісов атындағы БҚУ, педагогика факультетінің Сыбайлас жемқорлыққа қарсы іс-қимыл агенттігінің бастамасымен «Ар-намысты арқалаған рухты батыр Бауыржан» тақырыбында кезекті онлайн адалдық сағаты өткізілді. Адалдық сағатына М.Өтемісов атындағы Батыс Қазақстан университетінің оқытушылар құрамы, студенттері мен арнайы қонақтар қатысты. «Адалдық сағатын» ұйымдастырудағы басты мақсат- құндылықтарды жастардың бойына сіңіру арқылы адал еңбек пен руханқасиеттер жоғары бағаланатын, жемқорлықсыз парасатты қоғам құруға шақыру. Айта кетейік, биыл аты аңызға айналған командир, көптеген марапаттардың иегері, жазушы және Кеңес Одағының Батыры Бауыржан Момышұлының туғанына 110 жыл толып отыр. Бауыржан Момышұлының мұрасы ерлік пен тәртіпке, патриотизмге толы, өмір жолы ар-намыс, әділдік және адамгершілік қағидаларына негізделген. Шара барысында, «Рухани жаңғыру» институтының директоры, педагогика ғылымдарының докторы, профессор Қыдыршаев Абат Сатыбайұлы және Экономика және менеджмент кафедрасының оқытушысы, Сыбайлас жемқорлыққа қарсы агентттіктің мүшесі Чудрова Венера Утегеновна сөз алып, батырдың ерлік істері мен рухтылығын, қайсарлығын, Отанына деген адалдығын атап өтті. Содан соң, Ақпарат және қоғамдық даму министрлігінің қолдауымен Агенттіктің YouTube-арнасынан көпшілік назарына бейнесабақ ұсынылды.
Жиын соңында Бауыржан Момышұлының рухына тағзым ретінде батырдың өнегелі өмір жолын үлгі еткен жастардың бірі, филология: қазақ тілі мамандығының 4-курс студенті Қуанышбайұлы Дәулет «Батыр баба Бауыржан» атты өзінің жыр-шумағын арнады.
Осылайша, адалдық сағаты өз мәресіне жетіп, жиын соңында қатысушылар өзара пікір алмасып, ұйымдастырушыларға алғыстарын білдірді.
Шұғыла ЕҢСЕП,
Филология факультетінің 2-курс студенті
