2023 жылдың 2 ақпан күні М.Өтемісов атындағы Батыс Қазақстан университетінде Орал қалалық №22 ЖОББМ, №13 ЖОББМ, Эстетикалық бағыттағы мектеп-гимназиясы оқушыларынакәсіптік бағдар беру бағытындағы жұмыстар жүргізілді. Шара барысында болашақ психолог болуды мақсат тұтқан оқушылармен педагогика және психология кафедрасының оқытушылары С.Б.Калаханова, Ю.М.Жидкова, Н.Е.Муканова «Болашақ кәсіпке жол» атты семинар-тренинг өткізді. Оқушыларға мамандық туралы жалпы түсінік бағытында ақпарат беріліп, танысу тренингі, Дифференциалды диагностикалық сауалнама (DDO), адамның белгілі бір кәсіп түрлеріне оның құндылық бағдарларында көрінетін бейімділігін анықтауға арналған сондай-ақ Е.А.Климовтың кәсіптік бағдар сауалнамасы, метафоралық ассоциативті карталармен жұмыстану элементтері, сондай-ақ педагог-психолог маманына қажетті түрлі әдістемелер таныстырылды. Оқушылар өздерін толғандырған сұрақтарға жауап алып, болашақ кәсіп әлемі туралы мол мағлұмат игерді.
