2023 жылдың 19 қазан күні 7 корпус ғылыми кітапханасында М.Өтемісов атындағы Батыс Қазақстан университеті, педагогика факультетінің, мектепке дейінгі және бастауышта оқыту педагогикасы білім беру бағдарламасының оқытушылары Арыстанғалиева В.Т., Муканова А.Д. ұйымдастыруымен БОПмӘ-11(3), ДО – 11 тобы 1 курс студенттері аралығында Республика күніне орай «Жаңа әлемдегі Жаңа Қазақстан» атты іс шара өткізілді. Іс-шара барысында Қазақстан Республикасының әнұранымен басталып, бейнебаяны көрсетілді. Уразбаева А., Хайроллина Г., Зейн А. М.Мақатаев өлеңдерінен мәнерлеп айтты. Еліміз бойынша сұрақ жауап айдары өткізілді. Жанболатова М. «Қазақ осы» өлеңін орындады. 15 минут уақыт ішінде «Менің арманымдағы Қазақстан» тақырыбында студенттер эссе жазып өтті. Шараны Уканова Ұ., Төкеш Ш. «Атамекен» әнімен аяқтады. Шара соңында кітапханашы Айташова Г.Ш. кітап көрмесіне шолу жасап, сөз алды. Қорытынды сөз Мектепке дейінгі оқыту мен тәрбиелеу мамандығының кураторы А.Д. Муканова сөз сөйледі.
