М.Өтемісов атындағы Батыс Қазақстан университетінің педагогика факультетінде 2023 жылдың 20-24 ақпан аралығында «Қазіргі жағдайда жоғары оқу орындарында педагогикалық білім беруді жаңғырту» тақырыбындағы әдістемелік апталық оздырылуда.
Әдістемелік апталықтың мақсаты - жоғары оқу орындарында білім беруді жаңғыртудың теориялық, практикалық, әдістемелік бағыттарын дамыту, бәсекеге қабілетті білім беру ортасын жетілдіру.
Апталық барысында жоғары оқу орындарында оқыту мен тәрбие үдерісін ұйымдастырудың ұтымды жолдары қарастырылатын ашық сабақтар, инновациялық зияткерлік ортаны құру негізінде жаңа білімді қалыптастыру арқылы кәсіби мамандар даярлаудың элементтерін жетілдіруге бағытталған халықаралық, аймақтық, облыстық деңгейдегі семинарлар, қоғам талабына сай маман даярлау жолдары айқындалатын жұмыс берушілермен бірлескен шеберлік сыныптар, инновациялық технологияларды қолданудағы жаңашыл идеялар бастамасы болар инновациялық жобалар, студенттердің шығармашылық қабілеттері мен таңдаған мамандықтарына қызығушылықтарын арттыру бағытындағы үйірме жұмыстары мен интеграциялық сабақтар,салауатты өмір салтын насихаттайтын спорттық жетілдіру секциялары мен жарыстар, педагогикалық сараманның жүру барысы мен ғылыми-зерттеу жұмыстары талқыланатын магистранттармен жұмыс өткізіледі.
