2023 жылдың сәуір айының 7-ші жұлдызында мектепке дейінгі және бастауышта біліім беру кафедрасында “Мамандық таңдау-жүрек қалауы!” атты ашық есік күні болып өтті. Шараға аудандық мектеп түлектері қатысты.
Аталмыш мектеп түлектері университет қабырғасында оқытылатын Мектепке дейінгі оқыту және тәрбие, Бастауышта оқыту педагогикасы мен әдістемесі мамандықтары жайында мағлұмат алды. Мектепке дейінгі және бастауышта білім беру кафедрасының меңгерушісі Д.Г.Хабиева және аға оқытушы Г.С.Абугалиева сөз сөйлеп, мамандық ерекшеліктеріне тоқталып өтіп, түлектерді толғандырған сұрақтарға жауап берді. Сонымен қатар шараға бастауышта оқыту педагогикасы мен әдістемесі мамандығының 2-курс студенттері қатысып, белсенділік көрсетті. Шара барысында С.Н.Есенова “Сенің ерекше қабілетің” атты тренинг өткізіп,арнайы буклеттер таратып түлектерге ерекше көңіл-күй сыйлады.
Ашық есік күніне қатысушы түлектер ЖОО және оқытылатын білім бағдарламалары туралы толық ақпаратпен танысып, студенттер кері байланыс жасап пікір білдіруге, көкейкесті сұрақтарға жауап алуға мүмкіндік алды.
